Nje Kuanzisha Kitengo Cha Watanzania Ughaibuni

 

 

                       Waziri wa Mambo ya Nje, Ushirikiano wa Afrika Mashariki, Kikanda na Kimataifa, Balozi Dk Augustine Mahiga

Na Neema Dandida

 

WAZIRI wa Mambo ya Nje, Ushirikiano wa Afrika Mashariki, Kikanda na Kimataifa, Balozi Dk Augustine Mahiga amesema Watanzania waliopo nje ya nchi ni zaidi ya milioni moja na idadi yao inazidi kuongezeka.

Hivyo wizara inajipanga kuanzisha kitengo maalumu katika nchi hizo kwa ajili ya kusema na kutetea nchi nje ya nchi kama wafanyavyo nchi nyingine.

 

Alisema kuna Watanzania wengi nje ya nchi na wanazidi kuongezeka lakini kwa bahati nzuri Watanzania hao siyo wakimbizi na hakuna aliyezama baharini, bali wengi wanaenda kutafuta maisha kwa kutumia njia halali.

Balozi Mahiga alisema nchi nyingi alizokuwepo wapo hawana vibali, lakini wanatafuta na idadi inaongezeka na wizarani hapo kuna idara maalumu ya kuwashughulikia.

 

Pia alisema kwa muundo wa wizara mbili kuwa moja iliyopo sasa wataangalia wakurugenzi walio muhimu na wasio muhimu kupewa kazi nyingine.

Akizungumzia migogoro iliyopo baina ya Rwanda na Burundi, alisema Tanzania imekuwa mstari wa mbele kuishughulikia na mara nyingi amekwenda katika nchi hizo kwa lengo la kutafuta muafaka.

Alisema nchi imekuwa ikifanya hivyo kutokana na kuwa nchi hizo ni majirani hivyo kuathirika kwao ni kuadhirika kwa ukanda mzima na pia kuwa Tanzania ni Mwenyekiti wa nchi za Jumuiya ya Afrika Mashariki na hivi karibuni watakuwa na kikao cha kuendelea na mazungumzo ya amani.

chanzo ipp media