Jaji Philip Tunoi asimamishwa kazi

Na Neema Dandida

Rais Uhuru Kenyatta wa Kenya amemsimamisha kazi jaji Philip Tunoi wa mahakama kuu kwa tuhuma za kupokea rushwa ya dola milioni 2.

Rais Kenyatta pia ameteua jopo la watu saba kuchunguza tuhuma hizo, kuwa alipokea rushwa hiyo ili atoe upendeleo kwa Gavana wa Nairobi Bw Evans Kidero wakati wa kesi ya kuwekewa pingamizi na wabunge, Agosti 2014.

Awali ikulu ya Nairobi ilisema Rais hataandaa jopo la uchunguzi kwa kuwa jaji Tunoi aliomba kustaafu, lakini wataalamu wa Sheria walisema kama Rais asingechukua hatua hiyo ndani ya wiki mbili zilizoishia jana tangu kuwasilishwa kwa tuhuma, basi angekuwa anakiuka katiba

chanzo radio international